“შპს ნიკორა “დაარსდა 1998 წელს და მას შემდეგ ლიდერია ქართული ხორცპროდუქტების მწარმოებელ კომპანიებს შორის. საწარმო ეტაპობრივად ზრდიდა ასორტიმენტს და პარალელურად, ნერგავდა უახლეს ევროპულ დანადგარებს, რომლებიც ამარტივებდა წარმოების პროცესს და აუმჯობესებდა პროდუქციის ხარიხსს.

„მეტაბლე“ – ახალი ქართული ბრენდი, რომელიც ნიკორას მაღალტექნოლოგიურ საწარმოში იქმნება და პრემიუმ ხარისხის ხორცპროდუქტებს წარმოადგენს. ბრენდის სახელი თავად გვიამბობს ამბავს – „მეტაბლე“ ისეთი ადამიანის ზედსართავი სახელია, ვისაც ადამიანების გამასპინძლება, ესთეტიკური დაფების შექმნა და თანამედროვე ფორმით ძველი ტრადიციების გაგრძელება უყვარს. 

„მზარეული“, ქართული და ევროპული სამზარეულოს ტრადიციულ კერძებს ნახევარფაბრიკატების სახით, 2003 წლიდან აწარმოებს. სხვადასხვა დასახელების პროდუქტი ISO-ს სტანდარტების შესაბამისად აღჭურვილ „ნიკორას“ საწარმოში მზადდება და გამორჩეული საგემოვნო თვისებებით ხასიათდება.